उर्लाबारी, असोज ४
पञ्चकन्या वचत तथा ऋण सहकारी संस्था उर्लाबारीको अध्यक्षमा चन्द्रबहादुर भट्टराई चयन हुनुभएको छ ।
शनिबार सम्पन्न १२ औँ चुनावी साधारणसभाले भट्टराईलाई तेस्रो कार्यकालका लागि पुनः अध्यक्षमा चयन गरेको हो । नव गठित समितिको उपाध्यक्षमा सुरेन्द्रबहादुर कार्की, सचिवमा तेजबहादुर घिमिरे, सहसचिवमा केदार रिजाल, कोषाध्यक्षमा नरबहादुर बि.क. र सदस्यहरुमा नरमाया थापा, इन्द्रबहादुर भट्टराई, तुलसी खतिवडा, वीरेन्द्र थापा रहेका छन् ।
लेखा समिति संयोजकमा जीवनचन्द्र सापकोटा र सदस्यहरुमा नगेन्द्र घिमिरे तथा विष्णुप्रसाद अधिकारी चयन भएका छन् । यसअघि राष्ट्रिय सहकारी बैंक उर्लाबारीकी प्रमुख मुना केसीको प्रमुख आतिथ्यतामा भएको कार्यक्रममा संस्थाले पत्रकार जगन्नाथ भट्टराई, व्यवस्थापक मणिकुमार भट्टराईसहित ज्येष्ठ नागरिक, असल वचतकर्ता, असल ऋणीलगायतलाई सम्मान गरिएको थियो । कार्यक्रममा प्रमुख अतिथि केसी, विशिष्ट अतिथि उर्लाबारी वडा नं. ७ का वडाध्यक्ष वीरबल थापा लगायतले शुभकामना मन्तव्य राखेका थिए ।
