बेलबारी । मोरङको बेलबारी ११ लक्ष्मीमार्गमा जारी बेलबारी अन्तराष्ट्रिय आमन्त्रित गोल्डकपको तेस्रो क्वार्टरफाईनल खेलमा गोर्खा ब्वाईज बुटवलका बिरुद्ध २– ३ गोल गर्दै मदन भण्डारी स्पोर्टस एकेडेमी काठमाण्डौ बिजयी भएको छ ।
जितसँगै मदन भण्डारी सेमिफाईनल प्रबेश गरेको छ । गोर्खा ब्वाईजका तर्फबाट १८ औँ र ८१ औँ मिनेटमा दिपक राईले गोल गरे भने मदनका तर्फबाट खेलको २४ औँ मिनेटमा तपन कार्की ७४ औँ मिनेटमा प्रकाश बुढाथोकी र ७९ औँ मिनेटमा भुषण सुब्बाले गोल गरे भने म्यान अफ दि म्याच तपन कार्की घोषित भए ।
प्रतियोगितामा मंगलबारको खेल नेपाल पुलिस क्लब काठमाण्डौ र वेष्ट बंगाल भारतका बिच हुने आयोजकले जनाएको छ । प्रतियोगितामा बिजयी टिमले ५ लाख र उपबिजेताले २ लाख ५० हजार पाउने छन । गतबर्ष बिजेताले २ लाख २२ हजार र उपबिजेताले १ लाख ११ हजार प्राप्त गरेको थियो । सोही पुरस्कार राशि यसपटक दोब्बर बनाईएको छ । खेलअबधिभर म्यान अफ दि म्याच र अन्य ६ वटा बिधामा समेत पुरस्कार प्रदान गरिएको छ ।
