भक्तपुर : नेपाली कांग्रेसका वरिष्ठ नेता रामचन्द्र पौडेलले सिद्धान्तको टुंगो नभएका कारण कम्युनिष्ट सरकार सत्ता सञ्चालनमा पूर्ण रुपमा असफल भएको बताएका छन् ।
भक्तपुरको दुवाकोटमा कांग्रेसले आयोजना गरेको चियापान कार्यक्रममा वरिष्ठ नेता पौडेल सो कुरा बताएका हुन् ।
नेता पौडेलले भने, 'राज्य सञ्चालन सिद्धान्तका आधारमा हुन्छ तर कम्युनिष्टले सिद्धान्त नै अझैसम्म टुंगो लगाउन सकेका छैनन् ।
जसका कारण कम्युनिष्ट सरकार सत्ता सञ्चालनमा पूर्ण रुपमा असफल भयो ।' वरिष्ठ नेता पौडेलले कम्युनिष्टहरुले झुटा आश्वासन बाँडेर एकपटक जनतालाई झुक्याइसकेको भन्दै अब कम्युनिष्टको लहैलहैमा लागेर जनता फेरी नझुक्किने बताए ।
देशमा शुसासन कायम गर्न कम्युनिष्ट सरकार असफल भइसकेका कारण अबको विकल्प भनेको कांग्रेस नै भएको उनको भनाइ थियो । उनले भने, 'जनताले र मुलुकले भर गर्न सक्ने कांग्रेस बनाउन हामी लागेका छौं । हामी त्यो कांग्रेस बनाउछौं ।'
