काठमाडौं –अस्ट्रेलियाको क्यानबेरामा भएको विश्वकप २०२२ तथा एसियन कप २०२३ छनोट अन्तरगत अस्ट्रेलियासँगको खेलमा नेपाल पराजित भएको छ ।
क्यानबेरास्थित जिओ रंगशालामा भएको खेलमा नेपाली टोली अस्ट्रेलियासँग ५–० गोल अन्तरले पराजित भयो ।
अस्ट्रेलियाका लागि जमीइ म्याकलेरेनले उत्कृष्ट प्रदर्शन गर्दै ह्याट्रिक गरे । उनले खेलको ६, १९ र ९० औं मिनेटमा गोल गर्दै ह्याट्रिक पुरा गरे । त्यस्तै, नेपालविरुद्धकै खेलमा राष्ट्रिय टोलीबाट डेब्यु गरेका ह्यारी साउटरले पनि उत्कृष्ट प्रदर्शन गरे ।
उनले नेपालविरुद्ध २ गोल गरे । खेलको २४ र ५९ औं मिनेटमा गोल गरेका थिए ।
नेपाली खेलाडीले अस्ट्रेलियालाई गोल गर्नबाट रोक्न नसकेपनि गोल भने कम गोल खाँदा नेपाली खेलाडीको प्रशंसा पनि पाएका छन् ।
कप्तान तथा गोलकिपर किरण चेमजोङले उत्कृष्ट प्रदर्शन गरे । उनले पटक–पटक गरेर अस्ट्रेलियाका फरवार्डका सर्टलाई बचाउ गरेका थिए ।
