तेह्रथुम, २९ असोज । तेह्रथुमको छथर गाउँपालिका ६ साबिक सुदाप ८ साख्मामा तरुण दल गठन भएको छ । नेपाली कांग्रेस सुदापले आयोजना गरेको दशै तथा तिहार विशेष शुभकामना आदानप्रदान कार्यक्रममा नेकपाका दर्जनौ युवाहरू नेपाली कांग्रेसमा प्रवेश गरे संगै तरुणदल गठन गरिएको हो ।
भवनी लिम्बुको संयोजकत्वमा २९ सदस्यीय टोल कमिटी गठन गरिएको नेपाली कांग्रेस सुदापका रमेश पौडेलले बताउनु भयो । त्यस्तै कमिटीको उपसंयोजकमा सुरेन लिम्बु,सचिवमा सुर्य पौडेल सहसचिवमा छत्र लिम्बु र कोषाध्यक्षमा जितबहादुर कार्की रहनु भएको छ । कमिटी नेपाली कांग्रेसका जिल्ला सदस्य तथा छथर कार्यसमिति सचिव डम्बर भट्टराई,नेपाल तरुणदल तेह्रथुमका उपाध्यक्ष तथा छथर अध्यक्ष विकास जोशी छथर ६ का सभापति महेन्द्र मादेनको उपस्थितिमा गरिएको थियो ।
