मोरङ । पथरीशनिश्चरे नगरपालिका—३ मा जग्गा हेर्न आएका दुईलाई कुटपिटसहित ३ जनालाई स्थानीय सुकुम्बासीले नियन्त्रणमा लिएर प्रहरीलाई जिम्मा लगाएका छन् ।
यसरी सुकुम्बासीको नियन्त्रणमा पर्नेहरुमा सुनसरी इटहरी उपमहानगरपालिका—५ का ३७ बर्षिया राजेन्द्र लिम्बू, बाहाराक्षेत्र नगर—११ क ३९ बर्षिय मोजिबुल खान रहेका छन् । लिम्बू र खान साढु दाजुभाइ हुन । सुकुम्बासीका नियन्त्रणमा परेर प्रहरीलाई बुझाइएको साढु दाजुभाइ भने आफूहरुमाथि अन्याय भएको बताएका छन् । जग्गा हेर्न लिम्बू र खानसँगै गएका धनकुटा नगरपालिका—७ का ददिराम थापा भने भागेर कुटपिटबाट जोगिएका थिए ।
घट्ना विवरण अनुसार बुधबार करिव ११ बजे तीन जना पथरीशनिश्चरे—३ सामाजिक वस्तिको धनबहादुर भुजेलको घरमा पुगेर भुजेल बसेको जग्गा बारे सोधखोज गरेका थिए । जग्गाको सोधीखोजी गरेको केही बेरमा चारैतिरबाट गाउँलेहरु आएर राजेन्द्र लिम्बू, मोजिबुल खानलाई घेराबन्दी गरे । उनीहरुसँगै आएका ददिराम थापा भने विस्तारै घेरा बाहिर निस्केर भागे ।
घेराबन्दी गरेर सयौ सुकुम्बासीहरुले लिम्बू र खानलाई पक्रेर पिट्न थाले । त्यहाँ आउने सुकुम्बासीको समूहको पिटाइबाट लिम्बूको टाउको र औलामा चोट लागेको छ । खानको ढाडमा लाठीले हानेको सुम्ला देखिन्छ । कुटपिट गरेर सामाजिक बस्तिदेखि दक्षिण पश्चिममा रहेको किरात चौकमा ल्याएर करिव ६ घण्टा सुकुम्बासीले थुनेर राखेका थिए । किरात चौकमा प्रयोगमा नआएको प्रहरी विट भित्र लगाएर ६ घण्टा नियन्त्रणमा राखेको राजेन्द्र लिम्बूले बताए ।
किरात चौकमा तीन सय भन्दा बढी स्थानीयबासी भेला भएका थिए । विट भित्र लगाएपछि बाहिर मटितेल छर्केर जीउदै आगो लागउछौ भन्दै मानसिक प्रेसर दिएको मोजिबुल खानले बताए । जीउभरी मानिसको थुकले भरिएको थियो ।
सुकुम्बासीको नियन्त्रणमा परेको लिम्बू शसस्त्र प्रहरीको हवाल्दार हुन् । खान काठमाडौंको म्यान पावर कम्पनिमा काम गर्दा र्हेछन् । दुवैजना दर्श विदामा सुनसरी आएका रहेछन् ।
पथरीशनिश्चरे—३ सामाजिक बस्ति छेउमा रहेको धनबहादुर भुजेलको घरैमा लिम्बू र खान आउनुको कारण चाही यस्तो रहेछ । मोजिवुल खानको छिमेकी इन्द्रनारायण मण्डलले पथरीमा ५ कट्ठा जग्गा ७ लाख मै विक्री हुदै गरेको सुनाए । सस्तोमा जग्गा पाउने भएपछि खानले साढु भाई राजेन्द्र लिम्बूलाई सुनाए । लिम्बू र खानले चासो राखेपछि जग्गा धनि कमल गुरुङको सम्पर्कमा पुगे ।
जग्गाको नस्सा, धनिपुर्जा, मालपोत तिरेको रसिद र जग्गाधनीको नागरिकताको फोटोकपी मगाए । सम्पूर्ण कागजाद प्राप्त भएपछि लिम्बू, खान र थापा भएर पथरी आएका रहेछन् । बिहिबार पथरी आउन खोज्दा जग्गा धनी कमल गुरुङले सस्तोमा विक्री गर्न लागेकोले बुधबार (आजै) नगए अर्कैलाई विक्री गर्ने भनेपछि तीन जना तुरुन्त पथरी आएको राजेन्द्र लिम्बूले बताए ।
धनबहादुर भुजेलको बुहारी मिना भुजेलले भने सशुरालाई त्यहाँ आएका तीन जनाले यो जग्गा आफूहरुको भएको भन्दै हप्कीदप्की गरेपछि छिमेकीहरु उठेर नियन्त्रणमा लिएको बताए । सुकुम्बासीहरु त्यहाँ जग्गा हेर्न आउनेहरुकै गल्ति भएको बताउदै आएका छन् । सुकुम्बासी संगठनका अध्यक्ष जहरमान लिम्बूले नियन्त्रणमा पर्ने तीन जनाको त्यहाँ गलत उदेश्यले आएको बताए ।
जग्गाधनी कमल गुरुङ आफू अन्यायमा पर्दै आएको बताए । साविक मोरङ गोविन्दपुर—५ को एक विगाहा र पथरीशनिश्चरे—३ मा रहेको ५ कट्ठा जग्गा राखेर एलसीसी बैंकबाट दुई बर्ष अघि २५ लाख पैसा निकालेर इन्द्रनारायण मण्डल र आफूले चलाएको बताए । उक्त रकमको हालसम्म ब्याज नतिरेको मण्डलले समेत आफूलाई धोका दिदै आएको गुरुङको भनाइ छ । बैंकले जग्गा लिलाम बिक्री गर्न लागेपछि पथरीको जग्गा बेचेर व्याज तिर्न खोजेको गुरुङको भनाइ छ ।
मोरङ पथरीशनिश्चरेमा दोहोरो स्वामित्वको जग्गा समस्या छ । एउटा परिवारले ढालफाँड गरेर आवाद गरेपछि अर्को पक्षले जग्गा धनिपुर्जा लिएर मालपोत तिर्दै आएका छन् । दोहोरो स्वामित्वमा भएको जग्गा धनिले बेलाबेलामा जग्गा विक्रीको लागि यसरी मान्छेहरु पठाउँदा स्थानीय सुकुम्बासीहरुले नियन्त्रणमा लिएर कुटपिट समेत गरेर प्रहरीलाई बुझाउने गरेका छन् ।
यस अघि पनि कमल गुरुङ, पुनम थापा मगर, भरतमणी भट्टराईलाई पनि स्थानीय सुकुम्बासीहरुले पक्रेर थुन्नुको साथै आगामी दिनमा जग्गा दावि गर्न नआउने लिखित सर्तमा छाड्दै आएका थिए
