२०७६ कार्तिक १ शुक्रवार
काठमाडौँ । समृद्ध र स्वाभिमानी देश निर्माण गर्नको निम्ति युवा पलायन र भ्रष्टाचार नै प्रमुख चुनौती हुन भन्दै “युवा पलायन र भ्रष्टाचार बिरुद्ध जागरण अभियान” को ब्यानर लिएर कास्की अन्नपूर्ण गाउँपालिकाका एक युवाले पोखरा देखि काठमाडौं सम्मको पैदल यात्रा सुरु गरेका छन् |
त्रिभुवन बिश्वबिधालय M.sc. Biotechnology मा अध्यानरत मेदबी विद्यार्थी गणेश अधिकारीले कार्तिक १ गते पोखरादेखि यात्रा सुरु गरेका हुन| उनको यात्रा पृथ्वीराजमार्ग हुँदै काठमाडौं सम्मको हुनेछ |
मेदबी विद्यार्थीको अलवा उनी एक कुशल खेलाडी तथा सामाजिक अभियान्त समेत हुन| उनले यात्राको क्रममा भेटिने स्थानीय सँगै अनौपचारिक अन्तरक्रिया गर्नुका साथै बिभिन्न बेथितिको विषयमा जानकारी लिने कार्यक्रम रहेको उनले जानकारी दिए |
पछिल्लो केही दशक देशमा भ्रष्टाचार, कुरीति कुसंस्कार मौलाईरहेको सबै माझ घाम जत्तिकै छर्लङ्ग छ | युवासक्ति पलायन झन् डरलाग्दो स्थीतिमा छ | भिमकाय पाहाड फोडेर रेल गुडाउन सक्ने युवासक्ति विदेश पलायन हुने अर्कोतर्फ देशलाइ समृद्ध गर्छु भनेर नेतृत्व गर्ने नेतागण भ्रष्टाचारमा लिप्त हुँदा देशमा केहि गर्छु भनेर लाग्ने युवा निराश भएका छन |
