प्रेमप्रसाद भटराई (के.डी)
पथरी । मोरङको पथरीशनिश्चरे–१ मा रहेको शान्ति सामुदायिक वनको निर्वाचन आज हुँदैछ । अध्यक्षसहित मुख्य पदका लागि सहमति भएपनि अन्य ११ सदस्यका लागि आज चुनाव हुने भएको हो । सो पदका लागि २६ जनाका उम्मेद्धवारी रहेको छ । समितिको अध्यक्षमा पुन के.वि गुरुङ नै निर्विरोध निर्वाचित भएका छन् । यस अघि समितिको सदस्य पदमा रहेका प्रकाश थापाको पनि अध्उक्षमा उम्मेद्धारी रहेको थियो तर सहमतिमा उनलाई सह अध्यक्ष बनाइने भएपछि अध्यक्ष र सहअध्यक्षमा क्रमशः गुरुङ र थापा निर्वाचित भएका हुन् । नगरमा अहिले सह अध्यक्षको विषयलाई लिएर उपभोक्ताहरुमा असन्तुष्टि समेत रहेको बुझीएको छ । अध्यक्षमा गुरुङले जित्ने सम्भावना देखेपछि थापा सह–अध्यक्षमा वसेका स्थानीयको बुझाइ छ । त्यस्तै समितिको उपाध्यक्षमा साजन धिमाल, हेमभक्त गुरुङ, सचिवमा मेनुका राई, सहसचिवमा नवराज मिश्र र कोषाध्यक्षमा कुलमणी गुरुङ चयन भएका हुन् ।
समितिको खुल्ला पाँच सदस्यको लागि १६ जना , पाँच महिलाको लागि ९ जना तथा आदिवासी जनजातिको लागि तिनजनाको उम्मेद्धारी रहेको छ भने सदस्यमा आरती बिक, लेखा संयोजकमा तुलसी बस्नेत चयन भएका छन् । त्यस्तै १२ सदस्यहरुमा दलित कोटा बाहेक खुल्ला, महिला र जनजाति गरी २६ जना भिड्ने भएका छन् ।
