कुकुर बराबर सुँघ्ने क्षमता भएको र इमान्दार जनावर प्रकृतिमा भेट्न कठीन छ । यसको उदाहरण हरेक ठाउँमा भेट्न सकिन्छ । यसको पछिल्लो उदाहरण बागदादीको मृत्युमा कुकुर क्षमताको प्रयोगलाई पनि लिन सकिन्छ ।
अमेरिकी राष्ट्रपति डोनाल्ड ट्रम्पले इस्लामिक स्टेट (आईसीस) का प्रमुख अबु बकर अल–बग्दादीविरुद्धको सैन्य कारबाहीमा महत्वपूर्ण सहयोगी भूमिका खेल्ने सैन्य कुकुरको तस्बिर सार्वजनिक गरेका छन् ।
बग्दादी लुकेको ठाउँ पत्ता लगाउन तथा उनलाई गुफाभित्र लखेट्न महत्वपूर्ण भूमिका खेल्ने सैन्य कुकुरको तस्बिर सार्वजनिक गर्दै राष्ट्रपति ट्रम्पले उक्त कुकुरको प्रशंसा गरेका छन् ।
सैन्य कारबाहीमा कुकुरहरुले पनि भूमिका खेलेकोबारे पहिलो सूचना राष्ट्रपति ट्रम्पले नै सार्वजनिक गरेका थिए ।
यसअघि अमेरिकी जनरल मार्क ए मिलेले उक्त कुकुरबारे सूचना दिए पनि नाम खुलाएका थिएनन् ।
त्यसै दिन दिउँसो राष्ट्रपति ट्रम्पले जनरल मिलेसँग थप सूचना लिएर उक्त कुकुरको तस्बिर आफ्नो आधिकारिक ट्वीटरबाट सार्वजनिक गरे । ‘न्यूजविक’ पत्रिकाका अनुसार कुकुरको नाम कोनान हो । सुरक्षा भेस्ट लगाएर खिचिएको उक्त तस्बिर भर्खरैको हो कि पुरानो हो भन्ने खुलेको छैन ।
०११ मा अमेरिकाले बग्दादीलाई आतंकवादी घोषणा गर्दै उनको गिरफ्तारी वा हत्या गर्ने गरी सूचना दिनेलाई दस करोड अमेरिकी डलर पुरस्कार दिने घोषणा गरेको थियो ।
यस्ता आतंकवादीलाई चिनेर मार्न सक्ने क्षमता भएको हुनाले नै हिन्दुहरुले तिहारमा कुकुरलाई पूजा गर्ने चलन चलाएका थिए
