सरकारले सातवटै प्रदेश प्रमुखलाई बर्खास्त गरेको छ । आइतबार बसेको मन्त्रिपरिषद्को बैठकले उनीहरुलाई बर्खास्त गर्ने निर्णय गरेको हो । सरकारको यो निर्णय माथी प्रमुख प्रतिपक्षी दल नेपाली काँग्रेसले घोर आपत्ति जनाउदै द्वन्द्व निम्त्याउने संकेत दिएको छ ।
नेपाली काँग्रेस प्रवक्ता विश्वप्रकाश शर्माले मिडिया संग कुराकानी गर्दै भने: "सरकारको यो निर्णय भनेको द्वन्द्व निम्त्याउने बाटो रोजेको हो । देश विकासको लागि गर्नुपर्ने धेरै कामहरु छन् जुन तिर ध्यान नदिएर सरकारले पूर्वाग्रही पाराले यस्तो निर्णय गरेको हो जसमा हाम्रो घोर आपत्ती छ ।"
सरकारको उक्त निर्णयमा पार्टीले कस्तो कदम लिन्छ भन्ने बारे प्रवक्ता शर्माले खुलाएनन् । पार्टीका नेताहरु संग छलफल गरेर मात्र आगामी कदम चाल्ने उल्लेख गरेका छन् ।
तत्कालीन एमाले र माओवादीले ७ प्रदेशका प्रदेश प्रमुख नियुक्ति प्रति आपत्ति जनाएको थियो । तत्कालीन शेरबहादुर देउवा नेतृत्वको सरकारले नियुक्ति गर्दा नेकपाको सरकार गठन संगै हटाउन खोजेको थियो तर हुन सकेको थिएन ।
