शिवसताक्षी/नेविसंघ झापाको आयोजना र शिवसताक्षी नगर समितिको सहआयोजनामा आज झापाको धार्मिक पर्यटकीयस्थल सताक्षीधाम परिसरमा सरसफाई गर्नुका साथै डस्टविन वितरण गरेको छ ।
संघले सताक्षीधाममा यहि कार्तिक २३ गतेदेखि १२ दिन सम्म हुने १०८ कुण्ड कोटीहोम महायज्ञलाई लक्षित गर्दै विद्यार्थीहरुले सो सरसफाई कार्यक्रम संगै महायज्ञस्थलमा फोहोर फ्याक्ने डस्टविन राखेका हुन् ।
नेपाली कांग्रेसकी संघीय सांसद महेन्द्रकुमारी लिम्बुको प्रमुख आतिथ्य र संघका जिल्ला सभापति भुवन बुढाथोकीको अध्यक्षतामा भएको सो कार्यक्रममा धाम विकास समितिका अध्यक्ष प्रसाद सुब्बा, धामका गुरु नन्दराज भारद्धाज, संघका पूर्व जिल्ला सभापति नारायण गिरी, शिवसताक्षी ६ का वडाध्यक्ष मनोज खुलाल लगायतको विशेष आतिथ्य रहेको थियो ।
संघका जिल्ला सचिव विनोद चापागाइँले सञ्चालन गर्नुभएको कार्यक्रममा स्वागत मन्तव्य संघका नगर सभापति दिवस बाँस्कोटाले राख्नु भएको थियो ।
