कार्यपालिका बैंकक माग गर्दै गौरादहमा नेकपाले बुझायो ज्ञापन पत्र
राजु पोख्रेल
दमक । झापाको गौरादह नगरपालिकाका प्रमुख रोहितकुमार शाहले नगरपालिका तोडफोडमा सलग्नलाई बचाउन खोजेका छन् । असोज १३ गते नगरपालिकामा भएको तोडफोडमा सलग्न कांग्रेस कार्यकर्तालाई कारवाही गर्नुपर्ने माग सहित नेकपाका जनप्रतिनिधीले शाहलाई ज्ञापनपत्र बुझाएका छन् ।
कार्यपालिका बैठकलाई टार्दै आएका शाहले तोडफोडमा सलग्नलाई कारवाही गर्नुपर्ने माग नेकपाका कार्यपालिका सदस्यले गरेपछी बैठक स्थगित गरेका थिए ।
लामो समयदेखि पटक पटक आग्रह गर्दा समेत बैठक बोलाउन अस्वीकार गरेका बताईन्छ ।
नेकपाका तर्फबाट निर्वाचित १३ जना कार्यपालिका सदस्यले तत्काल बैठक नबोलाए अन्य बिकल्पमा जाने चेतावनी समेत दिएका छन् । अघिल्लो बर्ष प्रमुख शाहले बैठक राख्न नमानेपछी नेकपाका जनप्रतिनिधीले उपप्रमुख गिता भेटवालको अध्यक्षतामा कार्यपालिका बैठक गरेका थिए ।
गौरादह १ का वार्ड अध्यक्ष नगेन्द्र भण्डारीले प्रमुख शाहको दम्भका कारण नगरपालिका अनिर्णयको बन्दी भएको आरोप लगाए ।
नगरपालिका तोडफोड गर्न उकास्ने अनि कारवाही गरौं भन्दा बैठकनै राख्न अस्वीकार गर्ने ? उनले प्रश्न गरे, एउटा सरकारको नेतृत्व गरेको मान्छेको यहीँ हो नैतिकता ?
भण्डारीले पटक पटक माग राख्दा समेत बेवास्ता गरेका कारणले बाध्य भएर ज्ञापनपत्र बुझाउनु परेका बताए । तत्काल बैठक बोलाएर तोडफोडमा सलग्नलाई कारवाही नभए हामी अन्य बिकल्पमा समेत छलफल गर्ने छौ, उनले भने, तर अहिले हामी सहमतिकै माध्यमबाट अघि बढौ भनेका छौ । भण्डारीले तोडफोडमा कांग्रेसका क्षेत्र, नगर स्तरका कार्यकर्ता र नेताको सलग्नता देखिएको बताए । नगरपालिकाको सिसि क्यामरामा कैद भएको दृश्ममा नै सबै देखिएको उनले बताए ।
गौरादह ८ का धनवीर राजबंशीको योजनाको भुक्तानी लिन आउने बिषयमा नगरपालिकाका इन्जीनियर सचिन क्षेत्रीले ढिलाई गरेको र उनको त्यहीँ तनावले मृत्यु भएको दाबी गर्दै नगरपालिकामा तोडफोड भएको थियो ।
राजबंशी नगरपालिकामै बेहोस भएपछी उपचारका लागि लैजाने क्रममा मृत्यु भएको थियो । उनी बेरौती बजारमा टहरा निर्माण समितिका अध्यक्ष थिए । त्यसवापतको ३ लाख रुपैयाँ लिन नगरपालिका आएका थिए । नगरपालिकाले मृतक राजबंशीको परिवारलाई ५ लाख, इन्जीनियर क्षेत्रीलाई बर्खास्त समेत गरिएको थियो ।
