म्याड्रिड । शनिबार रातिकाे खेलमा बार्सिलोनाले सेल्टा भिगोलाई ४–१ ले पराजित गरेकाे छ । उक्त खेलमा बार्सिलाेनाका लियोनल मेसीले डेड बल स्थितिमा दुर्लभ ह्याट्रिक गरेका थिए । मेसीकाे याे ३४ औं ह्याट्रिक हाे ।
मेसीले पेनाल्टीबाट सुरुमै एक गोल गरेपछि प्रत्येक हाफमा फ्रि किकबाट दुई गोल गरे । सेल्टाका लागि लुकास ओलाजाले एक गोल फर्काए । खेलको अन्त्यमा सर्जियो बुस्क्वेटले चौथो गोल गरे ।
उनले ह्याट्रिकको कीर्तिमानमा क्रिस्टियानो रोनाल्डोको पनि बराबरी गरेका छन् । बार्सिलोना र रियल म्याड्रिड दुवैको समान २५ अंक छ । गोल अन्तरमा बार्सिलोना शीर्षमा रहेको हो । एएफपी
