काठमाडौं। दक्षिण तर्फको छिमेकी राष्ट्र भारतबाट हालै सार्वजनिक गरेको नक्सामा नेपालको भूभाग मिचिएको विरोधमा जन प्रदर्शन भइरहेको बेला उत्तरतर्फको छिमेकी मुलुक चीनले मिचेको भूमी पनि अविलम्व फिर्ता गर्न माग गर्ने नारा सहित राजधानीमा बिरोध प्रदर्शन भएको छ।
‘मौलिक जरोकिलो पार्टी’ले छिमेकी मुलक भारत र चीन दुबैले मिचेको भूभाग फिर्ता गर्न माग गर्दै काठमाडौंको गोंगबुमा दबाबमुलक कोणसभा आयोजना गरेको हो ।
शनिवार अपरान्ह ३ बजेदेखि ५ बजेसम्म नयाँ बसपार्क नजिकै बिजी मल अगाडिको खुला स्थानमा भएको कोणसभामा भारत र चीन दुबै देशले मिचेको भूमी नेपाललाई फिर्ता गर्न माग गरिएको थियो ।
भारतले नेपालसंग सिमाना जोडीएका २३ जिल्लाको ७१ ठाउँमा र चीनले ४ जिल्लाको ११ ठाउँमा भूमी मिचेको भन्दै फिर्ताका लागि तत्काल पहल गर्न सरकारसंग आग्रह गरेको हो ।
पार्टी प्रवक्ता लीला बहादुर बाँनियाले दुबै छिमेकीले मिचेको नेपाली भूमी फिर्ता गर्न सरकारले तत्काल पहल नगरे थप आन्दोलन चर्काउने चेतावनी दिए ।
