देबु बानियाँ
बाहुण्डाँगी । नेपाल जेसीजको ४६ औँ महाधिवेशन नजिकिँदै गएपछि देशभरका शाखाहरुमा शाखा अधिवेशन धमाधम भइरहेका छन् ।
रत्ननगरमा हुने जेसीजको महाधिवेशनका लागि शाखाहरुले आफ्नो शाखामा २०२० का लागि अधिवेशन धमाधम गरेका हुन् । अधिकांश शाखाहरुले जेसीजको महाधिवेशन भन्दा अघि गर्दै आएका छन् भने बाँकी रहेका शाखाहरुले महाधिवेशनबाट फर्केर गए पछि गर्नेछन् ।
अधिवेशन भएका शाखाहरुमा पोखरा लेडी जेसीज, पोखरा जेसीज, पर्वत जेसीज, नारायणगढ जेसीज, बुटवल लेडी, काठमाडौँ जेसीज, रहेका छन् ।
पोखरा लेडी जेसीजको वार्षिक अधिवेशनबाट २०२० का लागि शोभा भुजेललाई अध्यक्षमा सर्वसम्वत चयन गरेको छ । यसैगरी, पोखरा जेसीजमा शिव सापकोटा, पर्वत जेसीजका लागि रामु शर्मा, नारायणगढ जेसीजका लागि अनुज जोशी, बुटवल लेडी जेसीजका लागि कल्पना कुसुम, काडमाडौँ जेसीजका लागि मुकुन्द दाहाल अध्यक्षमा निर्वाचित भएका छन् । पर्वत जेसीजका रामु शर्मा बाहेक सबै सर्वसम्वत निर्वाचित हो । 
