काठमाडौं । नेपाली काँग्रेसबाट धरान उपमहानगरपालिकामा उपनिर्वाचनबाट मेयर पदमा विजयी कांग्रेसी नेता तथा पूर्व साँसद डिगबहादुर लिम्बूले बधाई तथा शुभकामना दिनुभएको छ ।
पार्टीको मोरङ सभापति समेत रहेका लिम्बूले धरानवाशीको जित भएको बताए । उनले सामाजिक सन्जालमा लेखेका छन्, बिजय एउटा सुखद क्षण पनि हो,जस्ले असिम आनन्द दिन्छ। नेपाली काङग्रेसका मेयर पदका उमेद्वारको जित धरान उप – महानगरबासी जनताहरुको जित हो ।
संघीय लोकतान्त्रिक गणतन्त्रको संस्थागत बिकास,नेपालको संबिधानको कार्यान्वयन,धरान र आसपासका क्षेत्रको बिकास होस भन्ने उत्कट अभिलाषाको प्रतिफल हो यो परिणाम ।
यो जितलाई कसैले हल्का रुपमा लिनु नहुने उनले बताएका छन् ।
मेयर पदमा तिलक राईलाई बिजयी गराउनु हुने सबै मतदाता एवं शुभेच्छुक दाजुभाइ तथा दिदीबहिनीहरु,पार्टीका नेता कार्यकर्ता साथीहरुलाई धन्यबाद दिद उनले सफल कार्याकालको शुभकामना दिएका छन् ।
