काठमाडौं, १८ मंसिर । नेपाल कम्युनिष्ट पार्टीका अध्यक्ष प्रचण्डको अध्यक्षतामा नेकपा बैठक सुरु भएको छ । दुई अध्यक्ष रहेको नेकपामा कार्यकारी अधिकार पाएपछि प्रचण्डले पहिलोपटक सचिवालय बैठक डाकेका हुन् ।
आज विहानबाट सुरु भएको बैठकमा उपनिर्वाचनमा पार्टीले हासिल गरेको परिणाम, देशको राजनीतिक अवस्था र अध्यक्ष समेत रहेका प्रधानमन्त्री केपी शर्मा ओलीको स्वास्थ्य अवस्थापछि पार्टी संचालनबारे छलफल हुने बताइएको छ ।
बैठकमा प्रधानमन्त्री ओलीको शिघ्र स्वास्थ्यलाभको कामनाको औपचारिक निर्णय समेत पारित हुने एक सचिवालय सदस्यले जानकारी दिए ।
