काठमाडौँ । पदभार ग्रहण गर्नासाथ बुधबार धरान उपमहानगरपालिकाका नवनिर्वाचित प्रमुख तिलक राईले समग्र राजश्वका प्रणाली तथा करको दर र दायराको पुनरावलोकनका लागि पेश गरिएको निर्णयार्थ प्रस्तावमा पहिलो हस्ताक्षर गरेका छन् ।
पाँचौं नगरसभाले पारित गरी लागु गरेको आर्थिक ऐन २०७६ अनुसारको करको दररेटलाई पुनरवलोकन गरेर घटाउनका लागि पेश भएको प्रस्तावमा आफूले हस्ताक्षर गरेको प्रमुख राईले बताए । कर घटाउने उक्त प्रस्ताव अब बस्ने नगरसभामा लगिने छ ।
उपमहानगरपालिकाले लिने गरेको करप्रति व्यापक जनअसन्तुष्टी बढेको थियो । उनले भने, ‘कर निर्धारण प्रकृया र दररेट अध्ययन गरी आर्थिक बर्ष ०७६र०७७ को वित्तिय क्षेत्रको बजेटमा आउने गरी शुल्क पुनरावलोकन गर्न विषेशज्ञ सम्मिलित कार्यदल गठन गरिने तयारी भएको छ ।’
उनले आफूले सबैको सल्लाहमा काम गर्ने पनि बताए । ‘मेयर पद कुनै पार्टी विषेशका लागि नभएर धरानका जनताको साझा अभिभावक भएकाले विकास निर्माण र अधुरा योजना पूरा गर्न सबै राजनीतिक दलसँग कार्यगत एकता गरेर अगाडि बढ्ने छु,’ उनले भने ।
पदभार ग्रहण गर्नु अघि उनले धरान–१६ स्थित गणेशमान चोक पुगी गणेशमान सिंहको प्रतिमामा मार्ल्यारपण गरेका थिए । त्यसपछि धरान–१९ स्थित हरियाली सामुदायिक वनभित्र रहेको स्वर्गीय मेयर तारा सुव्वाको शालिकमा माल्याणपर्ण गरेका थिए ।
करकै कारण हारियो स् नेकपा
यसैबीच कर राजश्व वृद्धिप्रति सर्वसाधारणको गुनासोलाई नजरअन्दाज गरेकै कारण उपनिर्वाचनमा नेकपा पराजित भएको ठहर पार्टीले गरेको छ । नवनिर्वाचित प्रमुख तिलक राईले कर राजश्व घटाउने निर्णय गर्नुअघि नेकपाले उपमहानगरपालिकाले लागु गरेको करको दर पुनरावलोकन गरी घटाउन उपमहानगर संसदीय दललाई निर्देशन दिएको थियो । नेकपा धरान निर्वाचन परिचालन कमिटि सचिवालय बैठकपछि जनताको असन्तुष्टिलाई सम्बोधन गर्दै कर घटाउन निर्देशन दिइएको हो । कान्तिपुरबाट ।
