उर्लाबारी । मोरङको उर्लाबारीमा सम्पन्न उर्लाबारी नकाउट फुटवलको उपाधि चर्च ब्वाईज क्लव काठमाडौंले उचालेको छ ।
आज भएको फाइनल खेलमा विन्धवासनी फुटवल क्लव विराटनगरलाई ०—१ गोल अन्तरले पछि पार्दै चर्चले उपाधि उचालेको हो ।
चर्च व्वाइजका लागि निर्णायक १ गोल सन्तोष न्यौपानेले गरे ।
खेलको म्यान अफ द म्याच विराटनगरका नबराज कार्की भए । खेलमा उत्कृष्ठ गोल किपर चर्च व्वाईजका मनोज प्रधान, उत्कृष्ठ डिफेन्स विराटनगरका बिनु मगर, उत्कृष्ठ फरवर्ड चर्चकै भुवन बस्नेत,उदियमान खेलाडी चर्चकै दिपेश धिमाल, सर्वोउत्कृष्ठ खेलाडी चर्चका सुमन चाम्लिङ, र हाइस्कोर विरेन लिम्बू भए ।
खेलको बिजेताले ५१ हजार नगद ट्रफि , मेडल प्रमाण पत्र पाएको छ । उपबिजेताले नगद ३१ हजार ट्रफि मेडल प्रमाणपत्रमा चित्त बुझाएको छ ।
बिजेता उपबिजेता टिममलाई उर्लाबारी नगरपालिकाका प्रमुख खड्ग बहादुर फागो, वडा सदस्य सचिन शाक्य, खेलका अध्यक्ष कमल गुरुङ लगायतले पुरस्कार वितरण गर्नुभयो ।
