मंसिर २१, पथरी ।
“नेपालको संविधान कार्यान्वयनमा नेपाली कांग्रेसको भुमिका” विषयक खुल्ला सभाको सम्बोधन गर्न मोरङको पथरीमा नेपाली काङग्रेसका केन्दि«य नेताहरु आउने भएका छन् ।
जिपि कोइराला अध्ययन केन्द्रको आयोजनमा तथा नेपाली काग्रेसका भतृ सगठनहरुको सहयोगमा खुल्ला सभाको आयोजना गर्न लागिएको हो ।
सभाको सम्वोधन गर्न काग्रेसका नेताहरु महामन्त्री डा.शशांक कोइराला, पुर्व मन्त्री एवं नेका केन्द्रिय सदस्य डा मिनेन्द्र रिजाल, पुर्व मन्त्री एवं नेकाका केन्द्रिय सदस्य माननीय गगन कुमार थापा र नेकाका केन्द्रीय सदस्य गुरुराज घिमिरे आउने भएका हुन ।
दश बर्षे लामो जनयुद्ध पश्चात नेपाली जनताले चाहेको परिवर्तनका आधारमा आएको नेपालको संविधान कार्यान्वयनमा प्रमुख प्रतिपक्ष्य दलको हिसावले कार्यान्वयनमा आफ्नो पार्टीले खेलेको रणनैतिक भुमिकाको बारेमा बक्तहरुले आफ्नो धारणा राख्ने जिपि कोइराला अध्ययन केन्द्रका अध्यक्ष सुविन पराजुलिले बताए ।
कार्यक्रम मंसिर २३ गते सोमवार पथरी शनिश्चरे नगरपालिका वडा नम्वर १ जाते मोडमा हुने निश्चित भएको छ ।
