काठमाडौं । दी भ्वाईस नेपालका उत्कृष्ट प्रतिस्पर्धी सनिश श्रेष्ठको आमा बुवाले सनिशलाई मत दिनुहुने सबैमा धन्यावाद प्रकट गर्नुभएको छ ।
सबैको साथ सहयोगले सनिस यो स्थान सम्म आईपुगेको बताउदैं आमा जमुना र बुवा श्रेष्ठले सनिशले संगीतमै केहि गरेर अघि बढ्ने बाटो खुल्ला भएको बताउनुभयो । ‘सनिस भोटिङमा जे भएपनि बाहिरी यात्रा अझ स्ट्रोङ भएर आउने छ, आमा जमुना श्रेष्ठले भन्नुभयो,‘ यहाँहरुको सहयोग हाम्रो छोरा सनिशको सांगीतिक यात्रा अझ उचाईमा र्पुयाउने सिँढी हो । यो अमूल्य सहयोगका लागि विशेष आभारसहित धन्यवाद ।
सनिस प्रतिको माया र भोटको सम्मान स्वरुप सनिशलाई सांगीतिक साधनामा निरन्तर लाग्न प्रेरित गर्ने प्रतिवद्धता उहाँहरुले प्रतिबद्धता गर्नुभएको छ ।
https://www.youtube.com/watch?v=CFFyRlv4LyU
सामाजिक सन्जालमा उहाँहरुले राख्नुभएको कुरा जस्ताको तस्तै
स्वदेश तथा विदेशमा रहनुहुने नेपाली आमाबुवा, दाजुभाइ तथा दिदीबहिनीहरू समपूर्णमा न्यानो अभिवादन
हाम्रा छोरा सनिश श्रेष्ठ (टीम राजु लामा दी भ्वाईस अफ नेपाल सिजन २ को उत्कृष्ट चरण सम्म पुर्याउन हजुरहरुको माया सद्भाव र सहयोग अपरिहार्य भएको थियो । यहाँहरूको सम्पूर्ण सहयोगबाट मात्रै यो सम्भव भएको हो । यहाँहरुको सहयोग हाम्रो छोरा सनिशको सांगीतिक यात्रा अझ उचाईमा र्पुयाउने सिँढी हो । यो अमूल्य सहयोगका लागि विशेष आभारसहित धन्यवाद ।
सनिशको लक्ष्य नै सांगीतिक क्षेत्रमा पूर्ण रुपमा लाग्ने हो । त्यसैले सनिशको आत्मविश्वास अझ बढाउन यहाँहरुको सहयोग अपरिहार्य बन्ने छ । साथै यहाँहरुको सम्मान स्वरुप सांगीतिक साधनामा निरन्तर लाग्न प्रेरित गर्ने प्रतिवद्धता पनि व्यक्त गर्दछौं ।
