काठमाडौं । चलचित्र बिकास बोर्डका कार्यकारी अध्यक्ष, कुशल अभिनेता तथा निर्माता केशब भट्टराईको ५१ बर्षको उमेरमा आईतवार राति निधन भएको छ । उहाँको मंसिर २९ गते आइतबार राती हृदयाघातका कारण असमाहिक निधन भएको हो ।
उहाँको निधनको खबर आएसँगै धेरै जनाले दुख प्रकट गर्दै सामाजिक सन्जालमा लेख्नुभएको छ । पत्रकार लक्ष्मण सुबेदी लेख्नुहुन्छ, चलचित्र बिकास बोर्डका कार्यकारी अध्यक्ष, कुशल अभिनेता तथा निर्माता केशब भट्टराई (५१ बर्ष ) सरको आइतबार राती (२९ मंसीर) हृदयाघातका कारण असमाहिक निधन भएको खबरले स्तब्ध छु । राम्रो मान्छेलाई त भगवानले पृथ्वीमा धेरै समय बस्न दिदा रहेन्छ्न । केशब सरको आत्माको चीर शान्तीको कामना गर्दछु ।
चलचित्र निर्देशक श्याम भट्टराईले लेख्नुभएको छ , हे भगवान, यो एक विहानै कति अप्रिय समाचार सुन्नु पर्यो, दैव किन यति निष्ठुरी हुन्छ , कसैको आखामा नवुझाउने आदरणीय दाजु केशव भट्टराई को वारेमा आएको यो अप्रिय समाचार केवल मित्था मात्रै वनाईदेउ भगवान।
एक दिनअघि मात्रै अर्का कलाकार दिपक क्षेत्रीको निधन भएको थियो ।
