उर्लाबारी, एकातिर चरम गरिबी, अर्कातर्फ अबुर्द रोगको पीडा । २७ बर्षीया विमला सुब्बाको दिनचर्या यिनै नियतिको संघर्ष गर्नमै वितिरहेछ । विमला पाठेघरको क्सान्सरबाट पीडित छिन् ।
मोरङ उर्लाबारी ६ को खोलाधार मा एउटा झुप्रोमा दाजु भाउजुसंग रहदै आएकी उनी हाल भरतपुर क्यान्सर अस्पतालमा उपचाररत छिन । जनमन गरेर जीवनयापन गर्ने विमलाका दाजु दीलबहादुरलाई यतिबेला उस्तै आपत छ । संकटपनि कस्तो भने, परिवारको लालनपालन मा लाग्नेकी बहिनीको उपचारमा खट्ने ! सबैतिर हारगुहार गरेर बहिनीको उपचारमा ५ लाख खर्च गरिसकेका दीलबहादुरले थप खर्च जुटाउन सकेका छैनन् ।
उनका अनुसार अस्पतालले विमलाको उपचारमा अझै २० लाख खर्च हुने जनाएको छ । उनको अबको आसा भनेकै सहयोगी हातहरु हुन् । दीलबहादुरले बहिनी विमलाको जीवन रक्षाका लागि सबैमा आग्रह गरेका छन् । भन्छन्,‘मनकारी दाजुभाई दिदी वहिनीहरु संग सहयोगको हात थापेको छु, तपाईहरुको गुन म विर्सने छैन ।’
पाठेघरको क्यान्सरसंग जुधिरहेकी विमला सुब्बालाई सहयोग गर्न चाहनु हुनेले ९८०७३७७५२४ र ९८२८७५५३७७ को मोवाइल नम्बरमा सम्पर्क गरिदिनु हुन दिलबहादुर अपिल गरेका छन् ।
