सप्तरी । सप्तरीमा ९ फिट लामो अजिंगर फेला परेको छ । सप्तरीको हनुमाननगर कंकालिनी नगरपालिका–१ भारदहमा भेटिएको अजिंगर २५ किलोको छ ।
स्थानीय सुधीर झाको बारीमा उक्त अजिंगर भेटिएको जिल्ला प्रहरी कार्यालय सप्तरीका डिएसपी तथा प्रवक्ता तिलक भारतीले जानकारी दिए । टोलीले अजिंगर नियन्त्रणमा लिई वन्यजन्तु आरक्षण पथरी सेक्टरको रेञ्ज पोष्टको जिम्मा लगाएको प्रहरीले जनाएको छ।
यसअघि कार्तिक १३ गते हनुमाननगर कंकालिनी नगरपालिका–१२ स्थित कोशी बाँधमा १५ किलो तौल भएको अजिंगर फेला परेको थियो भने कार्तिक १० गते तिलाठी कोइलाडी गाउँपालिका–१ तिलाठीस्थित खाँडो खोलामा करिब ७ फिट लम्बाई भएको १२ किलो तौलको अजिंगर फेला परेको थियो।
