ससारमा मानिसहरूले कीर्तिमानका लागि अनेक-अनेक गर्छन् । यसैबीच एक रुसी युवकले रेललाई तानेर विश्व कीर्तिमान बनाएका छन् ।
भारतीय सञ्चारमाध्यम खाखबरका अनुसार रुसका ३४ वर्षीय इवान स्याकिनले २१८ टनको रेललाई तानेर कीर्तिमान बनाएका हुन् ।
कीर्तिमानपछि इवानले भने,'यो उपलब्धि हासिल गर्नका लागि मैले पछिल्लो एक वर्षदेखि तयारी गरिरहेको थिएँ ।'
रुसी मिडियाका अनुसार पहिले पनि रेलवे इञ्जिन, जहाजहरू मानिसले तानेर कीर्तिमान बनाएका छन् । तर यति धेरै वजनको रेल तानिएको भने यो पहिलो पटक हो ।
इवानले आफ्नी पत्नीलाई प्रभावित पार्नका लागि उक्त रेल तानेको बताए ।
