काठमाडौं ।
काठमाडौको कोटेश्वरबाट दुईजना टोलेगुण्डा पक्राउ परेका छन्। काभ्रेका नमोबुद्ध–५ का ४१ बर्षीय बिष्णुबहादुर धिताल र नवलपुर देउचुली–१३ का ४४ बर्षीय दुर्गा भनिने देवान राई आइतबार बेलुकी कोटेश्वरबाट पक्राउ परेका हुन् । ज्यान मार्ने देखि हातखुट्टा भाँच्ने धम्की दिएर रकम असुल्ने गरेको आरोपमा ती दुई पक्राउ परेका हुन्।
स्थानीय सर्वसाधारणले गरेको लिखित उजुरी र गुनासोको आधारमा धिताल र देवानलाई पक्राउ गरिएको कोटेश्वर प्रहरीले जानकारी दिएको छ । धिताल र राईले काठमाडौं उपत्यकामा व्यापारी र सर्वसाधारणलाई हातखुट्ट भाँची अङ्गभङ्ग गरिदिने धम्की दिँदै रकम असुल्ने गरेका थिए । पक्राउ परेकाहरुलाई महानगरीय प्रहरी परिसर काठमाडौंमा राखि थप अनुसन्धान भइरहेको प्र्र्रहरीले जानकारी दिएको छ ।
