उर्लाबारी । इन्टरनेट प्रदायक संस्था आइजोन प्रा.लि.ले इन्टरनेटसँगै नेट टिभीको सेवा सुरु गरेको छ ।
सूचना प्रविधिमा सर्वसाधारणको आकर्षण बढ्दै गएकोले सबैको पहूँचमा इन्टरनेटसँगै नेट टिभी पुर्याउने उद्देश्यले सेवा विस्तार गरिरहेको प्रा.लि.का प्रबन्ध निर्देशक नविन श्रेष्ठले बताए । इन्टरनेट सेवाको पहुँच सहज, विश्वासनीय र मितव्ययिता अपनाउने उद्देश्यले सहुलियत शुल्कमा इन्टरनेट वितरण गरिरहेको प्रबन्ध निर्देशक श्रेष्ठले बताए । बार्षिक १ हजार ८ सयमा नेट टिभी प्रदान गर्दै आएको उनको भनाई छ ।
२०७२ सालमा स्थापित सो प्रालिको उर्लाबारी–५ मा केन्द्रीय कार्यालय रहेको छ भने इटहरीमा क्षेत्रीय कार्यालय, इनरुवा, विराटचोक, पथरी, दमक, विर्तामोड, मधुमल्लालगायतमा शाखा कार्यालयहरु रहेको मेनेजर समशेर आलमले बताए । २०, ४० र ६० एमबीपीएस इन्टरनेट क्षमता रहेको सो प्रा.लि.ले एमपिएलस प्रणाली समेत जडान गरेको छ । यसले इन्टरनेट सेवाको गति नियमित र सुरक्षित गर्ने जनाइएको छ ।
करिब १५ करोड रूपैयाँको लगानीमा सञ्चालित कम्पनीले ५ सय किलोमिटर अप्टिकल फाइवरमार्फत उच्च गुणस्तरको इन्टरनेट प्रदान गरिरहेको निर्देशक श्रेष्ठले बताए । आइजोन प्रा.लि.ले ८० भन्दा बढीलाई रोजगारीसमेत दिएको बताइएको छ ।
