कपिलवस्तु । कपिलवस्तु क्षेत्र नम्बर ३ का संघीय सांसद अभिषेक प्रताप शाहविरुद्ध ज्यान मार्ने उद्योग अन्र्तगत मुद्धा दायर भएको छ ।
सांसद शाहविरुद्ध राप्रपाका केन्द्रीय सदस्य श्यामकुमार मिश्राले ज्यान मार्ने उद्योगमा जाहेरी दिएपछि कपिलवस्तु जिल्ला अदालतले प्रहरीलाई पक्राउ गर्न अनुमति दिएको हो ।
गत पुष ५ गते कृष्णनगरका स्थानीय समाजसेवी मिश्रलाई सांघातिक आक्रमण गरी घाइते बनाएको आरोपमा शाहविरुद्ध जिल्ला प्रहरी कार्यालयमा जाहेरी परेको थियो ।
शाहविरुद्धको जाहेरी जिल्ला प्रहरीले दर्ता गरी पक्राउपूर्जी जारी गरेको हो ।
शाहले राप्रपाका जिल्ला नेता एवं भोजपुरी फिल्मका अभिनेता मिश्रलाई आफ्ना ड्राइभर मार्फत घरमा बोलाएर निर्घात कुटपिट गरेर गम्भीर घाइते बनाएका थिए । यसरी निर्घात कुटपिटपछि गाडीमा राखेर बीच सडकमा लगेर छाडेका थिए । शाह कांग्रेसबाट निर्वाचित सांसद हुन् ।
