गौरादह । उद्योग वाणिज्य संघ गौरादहको दोश्रो साधारण सभाबाट पत्रकारद्वय सम्मानित भएका छन् ।
शनिबार भएको साधारण सभाबाट सजल सन्देश डट्कमका सन्तोष बिष्ट र हिमशिखर टेलिभिजनका सुदिप अधिकारीलाई दोसल्ला र सम्मान पत्र सहित सम्मान गरिएको हो ।
कार्यक्रमको प्रमुख अतिथीमा गौरादह नगरपालिकाका मेयर रोहित कुमार शाह रहेका थिए भने विशिष्ट अतिथीमा उपमेयर गिता भेट्वाल तथा आन्तरिक राजस्व कार्यालयका प्रमुख रामप्रसाद पाठक रहेका थिए ।
उद्योग वाणिज्य संघका अध्यक्ष जीवन राईको अध्यक्षतामा भएको कार्यक्रममा प्रथम उपाध्यक्ष अशोक चुडालले स्वागत मन्तव्य राखेका थिए भने सचिव निर्मल बास्तोलाले कार्यक्रम संचालन गरेका थिए । उवा संघ गौरादहको नया नेतृत्व चयनका लागि यहि आउदो माघ १८ गते निर्वाचन हुदैछ ।
