उर्लाबारी । पूर्व नेपाल युवा क्लब उर्लाबारी–८ ले नमूना बाल गृहका बालबालिकालाई न्यानो कपडा वितरण गरेको छ ।
क्लबका अध्यक्ष दासराज राजवंशीको अध्यक्षता एंब उर्लाबारी वडा नं. ८ का वडाध्यक्ष कुलबहादुर कार्कीको प्रमुख आतिथ्यतामा गृहमा आश्रित ४७ जना बालबालिकालाई न्यानो कपडा वितरण गरिएको हो । ज्याकेट, स्वीटरलगायत न्यानो कपडा वितरण गरेको क्लबका अध्यक्ष राजवंशीले जानकारी दिए । सामाजिक उत्तरदायित्व अन्तरगत नमूना बाल गृहका बालबालिकालाई सानो भएपनि सहयोग गर्न पाउँदा खुशी लागेको उनले बताए ।
आगामी दिनमा पनि क्लबले सामाजिक कार्यलाई निरन्तरता दिने उनको भनाई छ । गृहकी अध्यक्ष मिना बरालले सहयोग हातहरुलाई धन्यवाद दिइन् । बाल गृह सहयोगी हातकै कारण अघि बढिरहेको उनले बताइन् । वडाध्यक्ष कुलबहादुर कार्कीले युवाहरु भबिष्यको कर्णदार भएकाले रचनात्मक कार्यमा लाग्नु उदाहरणीय कार्य भएको बताए । कार्यक्रममा उर्लाबारी नगरपालिका कार्यपालिका सदस्य चन्द्रा डाँगी,सञ्चार क्लब नेपालका अध्यक्ष सरोज बस्नेत, युवा समाजसेबी मिलन श्रेष्ठ, गृहका सचिब जीवन घिमिरेलगायतका अतिथि रहेका थिए ।
https://www.youtube.com/watch?v=0-d7f9qko2k&fbclid=IwAR2nrtBlZFt8V2utBOaxR2HfzKACXBJVAUJy2WE9DNyD6O-MLWxwIvJloaU
