धिरज दाहाल
२० पुस, बिराटनगर ।
परिवार नियोजन संघ, मोरङ शाखामा पुनः सन्तनु रेग्मी चुनिएका छन् । संघको ३० औ साधारणसभाबाट रेग्मी सभापति चुनिएका हुन ।
संघको बिराटनगर स्थित कार्यालयमा आयोजित साधारणसभामा सचिव नितु बस्नेतले पेश गरेको सन् २०१८ को बार्षिक प्रगति प्रतिबेदन समेत पारित गरिएको थियो । त्यसैगरी कोषाध्यक्ष हरिहर रिजालले पेश गरेको आर्थिक प्रतिबेदन समेत सर्वसम्मतिले पारित गरिएको छ ।
संघको गत पुस १७ गते निर्वाचन कार्यतालिका प्रकाशित गरि उमेद्वारि दर्ताका लागि सुचना जारी गरेको थियो । तोकिएको समयमा उमेदवारि दावी बिरोध नपरेपछि सभापतिमा रेग्मी निर्विरोध निर्वाचित भएका हुन ।
संघको महिला सदस्यहरूमा रत्ना कुमारी श्रेष्ठ, शान्ता रिजाल, नितु बस्नेत, शुभ ढुङ्गाना चुनिएका छन । त्यस्तै सदस्यहरूमा टंक बुढाथोकी, हरिहर रिजाल, सचिन निरौला चयन भएका छन । संघमा स्नेहा गुभाजु र आयुष्मा पोखरेल निर्वाचित भएको निर्वाचन अधिकृत अधिवक्ता सिताराम राईले बताए ।
