काठमाडौं । नेत्रविक्रम चन्द विप्लव समूहका पोलिटब्युरो सदस्य मोहन कार्की नेपाल कम्युनिष्ट पार्टी (नेकपा) प्रवेश गरेका छन् ।
नेकपाले पार्टी कार्यालय धुम्बाराहीमा कार्कीको स्वागतका लागि आयोजना गरेको एक समारोहकाबीच उनी नेकपामा पर्वेश गरेका हुन् । कार्कीलाई नेकपा अध्यक्ष अध्यक्ष पुष्पकमल दाहाल प्रचण्डले पार्टीमा स्वागत गरे ।
जनयुद्धका बेला उपत्यकामा बसेर मोहन कार्कीले महत्वपूर्ण भूमिका खेलेको स्मरण गर्दै प्रचण्डले मुलघर फर्केको भन्दै खुशी व्यक्त गरे ।
उता कार्कीले पनि नेकपामा प्रवेश गर्दै विप्लवमा राजनीतिक नैतिकता नभएको टिप्पणी गरेका थिए ।
विप्लव समूहलाई सरकारले गत फागुनमा प्रतिवन्ध लगाएपछि कार्की पक्राउ परेर थुनामा पनि बसेका थिए । रिहा भएको केही समयपछि उनी नेकपा प्रवेश गरेका हुन् ।
