उर्लाबारी । मोरङको उर्लाबारीमा स्थापित महिला विकास तथा बालबालिका चेतना केन्द्रद्वारा सञ्चालित नमूना बाल गृहको २१ औं बार्षिक साधारणसभा मंगलबार सम्पन्न भएको छ ।
उर्लाबारी नगरपालिकाका मेयर खड्ग फागोको प्रमुख आतिथ्यतामा भएको उक्त साधारणसभामा उर्लाबारी नगरपालिका वडा नं. ७ का वडाध्यक्ष बीरबल थापा, ३ का वडाध्यक्ष गञ्जबहादुर कार्की, ५ का वडाध्यक्ष भानुभक्त शर्मा पराजुली, समाजसेबी जयधर्म आचार्य, रुद्र तामाङलगायतले बोलेका थिए । बाल गृहमा सहयोग गर्ने दाताहरुलाई समेत सोही अवसरमा सम्मान गरियो । बाल गृहमा ४७ जना बालबालिकाहरु आश्रित रहेको गृहकी अध्यक्ष मिना बरालले जानकारी दिइन् । बाल गृह सहयोगीदाताकै भरमा सञ्चालन भइरहेको पनि उनले बताइन् ।
https://youtu.be/GQ9mmdwirOQ
