मोरङ । मोरङको आठ वटा स्थानीय तहको उपप्रमुखहरुले संघीय सभाको उपसभामुख डा. शिवमाया तुम्बाम्फेलाई नै सभामुख बनाउन नेकापा पार्टी समक्ष माग गरेका छन ।
आज नेकपाको मोरङ जिल्ला समिति मार्फत केन्द्रीय समितिलाई ध्यानआकर्षण पत्र बुझाउदै डा. तुम्बाम्फेलाई सभामुख बनाउन पहल थालेका हुन ।
यसरी पहल थाल्ने उपप्रमुखहरुमा पथरीशनिश्चरे नगरपालिकाको उपप्रमुख
यमुना विष्ट बास्तोला, उर्लाबारी नगरको लक्ष्मीदेवी भण्डारी , बेलबारी नगरको ढाकाकुमारी पराजुली, मिक्लाजुङ गापाको उपप्रमुख सरला राई , रतुवामाई नगरपालिका
दमयन्ता चुडाल, केराबारी गाउँपालिका उपप्रमुख शान्ति लिम्बु भुजेलले डा तुम्बाम्फेलाई नै सभामुख बनाउने पर्ने माग राखेका हुन ।
ध्यानआकर्षण पत्रमा डा. शिवमाया तुम्बाहाम्फेलाई सभामुखको जिम्मेवारी प्रदान गरिन भएको ढिलासुस्तीले आफूहरुलाई बढी गम्भीर बनाएको उल्लेख छ ।
तुम्बाम्फे विद्यार्थीकालदेखि परिपक्व नेता, सफलतापूर्ण उपसभामुखको जिम्मेवारीमा रहेको र राजनीतिक बैचारिक निर्दिष्टकोणले पनि सभामुखको जिम्मेवारी प्रदान गर्नुपर्ने उल्लेख छ ।
उहाँमा विषयगत योग्यता, क्षमता, सामाजिक जीवन, राजनीतिक योगदान, संगठनात्मक भूमिका, निरन्तरता, क्रियाशीलता, राजनीतिक इमान र निष्ठाको बिम्ब भएको उल्लेख छ ।
"श्रमजीवी महिलाहरूका मुर्छित सपनाहरूलाई ब्युताउँन सक्ने उहाँको नेतृत्व र रणनीतिक नेतृत्व क्षमता विकासले ठाउँ पाउँदा हामीले फड्को मार्न सक्ने कुरामा हामी मोरङ उपप्रमुखहरु विस्वास्त्त छौ ।" विग्यप्तिमा भनिएको छ "पार्टी वैज्ञानिक छ, निर्णय प्रक्रियमा जानुअघि नेतृत्वले निकै विवेक राख्ने गरेको छ ।"
