काठमाडौं । भक्तपुर जिल्ला अदालतले पक्राउ गर्न आदेश दिएको थाहा पाएपछि विवादाष्पद अस्पताल संचालक दुर्गा प्रसाईं फरार भएका छन् ।
प्रसाईँविरुद्ध जिल्ला अदालत भक्तपुरमा मानहानीको मुद्दा दायर भएको थियो । जिल्ला अदालत भक्तपुरले प्रसाईँलाई पक्राउ गर्न प्रहरीलाई अनुमति दिएको हो ।
चिकित्सा शिक्षा आयोगका उपाध्यक्ष डा. श्रीकृष्ण गिरीले प्रसाईँविरुद्ध मानहानीको मुद्दा दायर गरेका थिए ।
प्रसाईँले गएको पुस २३ गते काठमाडौँमा पत्रकार सम्मेलन गरी आफूसँग डा. गिरीले २० करोड घुस मागेको दावी गरेका थिए ।
प्रहरीले पक्राउ गर्न लागेको सूचना पाएपछि प्रसाईं फरार छन् ।
