झापा - गौरादह उद्योग वाणिज्य संघमा नयाँ नेतृत्व चयनका लागि आगामी माघ १८ गतेका लागि चुनावको मिति तोकिएको छ । यहाँ सरकारको नेतृत्व गरिरहेको दल नेपाल कम्युनिष्ट पार्टी ( नेकपा ) र प्रमुख प्रतिपक्षी दल नेपाली काँग्रेस निकटका व्यापारी बीच चुनावी प्रतिस्पर्धा हुने निश्चित प्राय छ ।
तत्कालिन नेकपा एमाले र माओबादी केन्द्र बीचको पार्टी एकता पछि हुन लागेका कारण पनि यस चुनावलाई स्थानीय स्तरमा निकै महत्वका साथ् हेरिएको छ ।
व्यावसाियहरुको चुनावको मिती नजिकिदै जादा दलहरुको समेत सकृयता वढेको छ । उद्योग वाणिज्य संघलाई कतिपय नेताहले प्रतिष्ठासंग जोडेपछि निर्वाचन जटिल र महंगो बन्दै गएको छ । उम्मेदवार छनौट देखि लिएर चुनावी रणनीति कसरी तय गर्ने भन्नेबारेमा दलका नेताहरुले आन्तरिक छलफललाई तिब्रता दिएका छन् ।
त्यसो त हालको नेकपालाई आफ्नो तर्फबाट उम्मेदवार छनौट गर्न कम चुनौतीपूर्ण छैन ।
एकता पछी नेकपा देशकै ठुलो दल भएको छ । 'ठुलो दल भएपछी आकांक्षीहरु पनि धेरै भएकाले उम्मेदवार छनौट गर्न सकसपूर्ण छ, नेकपाका एक नेताले भने - ' धेरैको आकांक्षा छ, साथीहरुलाई कसरी सम्बोधन गर्ने भन्ने बिषयमा हाम्रो छलफल केन्द्रित छ । सम्भवतः आठ गतेसम्ममा हाम्रो तर्फबाट सबै उम्मेदवारको टुंगो लगाउनेछौ ।'
प्रधानमन्त्री केपी शर्मा ओलीको निर्बाचन क्षेत्र समेत रहेको गौरादहलाई नेकपाको पकड क्षेत्र मानिन्छ । आफ्नो पकड क्षेत्रमा हुन् गईरहेको चुनावमा जुनै हालतमा पनि 'क्लिन स्विफ्ट' गर्ने रणनीतिमा नेकपा रहेको स्रोत बताउछ । यधपी बडो महत्वका साथ् हेरिएको गौरादह खानेपानी र शुभलक्ष्मी सहकारीको चुनावमा नेकपाले मुख्य पद हत्याउन सकेको थिएन ।
प्रमुख प्रतिपक्ष दल नेपाली कांग्रेसले पनि आफ्नो तर्फबाट क-कसलाई उम्मेदवार बनाउने भन्ने बिषयमा ठोस निर्णय लिन सकेको छैन । केहि पदका लागि उम्मेदवारको छनौट भएपनि कांग्रेस भित्र अहिलेकै नेतृत्वलाई निरन्तरता दिने कि भन्ने बिषयमा फरक धारबाट पनि कुरा उठेको स्रोतको दाबी छ ।
अहिले उधोग वाणिज्य संघको अध्यक्षमा कांग्रेसबाट बिजयी भएका जिवन राई छन् । वर्तमान नेतृत्वको कार्यशैलीका कारण पनि कांग्रेस 'सेल्फ डिफेन्स' को खोजीमा रहेको स्रोत बताउछ । राईलाई गोठाले प्रवृतिबाट संस्था चलाएको आरोप छ ।
त्यसो त कांग्रेस अन्तिम बिन्दुसम्म पनि सहमतिकै खोजिमा रहेको छ । विश्वसनीय स्रोतका अनुसार अध्यक्ष र महासचिव पद नेकपालाई दिएर अरु मेजर पद आफु लिने र सदस्य पद आधा-आधा गर्ने प्रस्तावमा कांग्रेस रहेको छ । तर यो प्रस्ताव नेकपाले स्वीकार नगरेमा कांग्रेस खानेपानी र शुभलक्ष्मी सहकारीको जस्तै चुनावी रणनीतिमा लाग्ने छ ।
