काठमाडौं । अन्ततः इंगलिस प्रिमियर लिग फुटबलको एक मात्र अपराजित टिम म्यानचेस्टर सिटीले पराजय बेहोरेको छ । जारी लिगको २३ औं खेलमा सिटी लिभरपुलसंग ४–३ ले पराजित भयो ।
अन्तिम समयमा खेलमा फर्किने खुवै प्रयास गरे पनि म्यानचेस्टर सिटीले लिभरपुलको मैदान एन्फिल्डमा भएको खेलमा सकेन र पराजित भयो ।
मध्यान्तरसम्म १–१ को बराबरी भएको थियो ।
लिभरपुलका लागि एलेक्स च्याम्बरलेन, सादियो माने, मोहमद सालेह, र रोबर्टो फर्मिन्होले गोल गरे ।
अन्तिम ६ मिनेटमा दुई गोल गरे पनि हार नटारेको सिटीका लागि लेरोए साने, बर्नान्डो सिल्भा र गुएन्डोगानले १–१ गोल गरे ।
दोस्रो स्थानको म्यानचेस्टर युनाइटेडभन्दा १५ अंकले अग्रता लिएको म्यानचेस्टर सिटीको ६२ अंक छ । तर २३ खेलमा १ हार, २ बराबरी र २० जितले उनको उपाधि यात्रा यसपटक कसैले रोक्न सक्नेजस्तो देखिँदैन ।
यता आर्सनलको अधोगति कायमै छ । आर्सनल बर्नमाउथसंग २–१ ले पराजित भयो ।
