धरान । सुनसरीको धरान उपमहानगरपालिकाका पुर्वमेयर ध्यानबहादुर राईको निधन भएको छ ।
क्यान्सरको उपचाररत उनको सोमबार दिउँसो करिब १ बजे पाटन अस्पतालमा उपचारको क्रममा निधन भएको हो । मेयर राई विगत एक बर्षदेखि क्यान्सर रोगको उपचारमा थिए । उनलाई क्यान्सरमा पनि दुर्लभ खालको रोग लागेको थियो ।
भारतको दिल्लीस्थित राजिव गान्धी क्यान्सर अस्पतालमा उपचार सम्भव हुन नसकेपछि उनलाई एम्बुलेन्समार्फत नेपाल नै ल्याइएको थियो । उनी २०४९ सालको स्थानीय निकाय निर्वाचनमा तत्कालिन नेकपा एमालेबाट मेयरमा निवार्चित भएका थिए । पछिल्लो समय उनी समाजवादी पार्टीमा आवद्ध थिए ।
