उर्लाबारी, ९ माघ । नेपाली तारा सिजन ३ का विजेता तथा गायक प्रताप लामाले उर्लाबारीमा टोटला रेष्ट्रो एण्ड बार सञ्चालनमा ल्याउनुभएको छ ।
गायक लामा र उर्लाबारीका नितम चौहानले सो बार सञ्चालनमा ल्याउनुभएको हो ।
नेपाल भ्रमण बर्ष २०२० लाई मध्यनजर गरेर करिब १ करोड ३० लाख रुपैयाँको लागतमा सो बार सञ्चालन गरिएको सञ्चालक चौहानको भनाई छ । सो बारमा सेवाग्राहीहरु सांगितिक माहोल रम्न पाउने उहाँले बताउनुभयो । प्रत्येक महिना चर्चित कलाकार र दैनिक स्थानीय तथा परिचित कलाकारहरुले प्रस्तुति दिने गायक लामाले बताउनुभयो ।
गायनसँगै ब्यवसायमा पनि हात हालेको र सबैको साथ र सहयोग पाउनेमा आशाबादी रहेको उहाँले बताउनुभयो । बारको आज बिहान उर्लाबारी नगरपालिकाका मेयर खड्ग फागोले उद्घाटन गर्नुभयो ।
उहाँले सांगितिक क्षेत्रमा रम्न चाहनेका लागि टोटला रेष्ट्रो महत्वपूर्ण भूमिका निर्वाह गर्ने विश्वास लिएको बताउनुभयो । कार्यक्रममा उर्लाबारी नगरपालिका वडा नं. ७ का वडाध्यक्ष बीरबल थापा, उर्लाबारी उद्योग बाणिज्य संघका अध्यक्ष प्रितम खड्गी, होटल ब्यवसायी संघका क्षेत्रीय अध्यक्ष मनोहरी दाहाललगायतले बोल्नुभएको थियो ।
