चितवन — नेता गुणराज लोहनीलाई प्रहरीले फेरि पक्राउ गरेको छ । प्रतिबन्धित चन्द समूहको गतिविधिमा सक्रिय रहेको सूचनाका आधारमा अनुसन्धानका लागि पक्राउ गरिएको चितवन प्रहरीले जनाएको छ । उनलाई चितवन प्रहरीको हिरासतमा राखिएको छ ।
‘काठमाडौंबाट आएको विशेष ब्युरोले पक्राउ गरेर जिम्मा लगाएको हो,’ चितवन जिल्ला प्रहरी कार्यालयका निमित्त प्रमुख प्रहरी नायब उपरीक्षक (डीएसपी) एकनारायण कोइरालाले भने, ‘अनुसन्धान जारी छ।’
यसअघिकात्तिक ५ मा पनि उनी पक्राउ परेका थिए। त्यतिबेला चितवन जिल्ला प्रशासनमा ‘अभद्र व्यवहार’ मुद्दामा पाँच हजार धरौटी बुझाएर उनी छुटेका थिए।
स्वास्थ्यमा समस्या रहेको भन्दै उनलाई छुट्टी दिएको चन्द समूहले जनाए पनि पार्टीकै गतिविधिमा संलग्न भएको देखिएको प्रहरीको दाबी छ। यसअघि प्रतिबन्धितनेत्रविक्रम चन्द समूहले लोहनीलाई पार्टीले जिम्मेवारीबाट मुक्त गरेको जानकारी सार्वजनिक गरेको थियो।
(कान्तिपुर अनलाइनबाट)
