काठमाडौं, २० माघ । नेपाली काँग्रेसले सभामुखमा उम्मेदवारी नदिएर उपसभामुखको भीख मागेपछि सरकार र काँग्रेसबीच प्याकेजमा सहमति भएको जानकारहरुले बताएका छन् ।
संसद्मा प्रतिपक्षको भूमिकामा रहेको काँग्रेसलाई उपसभामुख दिएर सहमति, सहकार्य गर्दै अगाडि बढ्ने सोचमा नेकपाको सरकार रहेको बताइएको छ ।
राजपासँग २ बुँदे सहमति गरे पनि संविधान संशोधनको मुद्दा पेचिलो बनेपछि उपसभामुखको दाबी राजपाले छाडेको स्रोतले जानकारी दिएको छ ।
उपसभामुखको विषयमा राजपा अध्यक्षमण्डलबीच नै विवाद रहेकाले काँग्रेसले उपसभामुख पाउने लगभग निश्चित रहेको समाचार सूत्रले बताएको छ ।
काँग्रेसबाट पुष्पा भुसाल र चित्रलेखा यादवमध्ये एकले पाउने बताइएको छ ।
काँग्रेसले उपसभामुख नपाए राष्ट्रिय जनमोर्चाका सांसद् दुर्गा पौडेलले पनि पाउन सक्ने बताइएको छ ।
नेकपाको सरकारले उपसभामुख पद कमाण्डलु लिएर काँग्रेसका सभापति एवं वरिष्ठ नेताले भीख मागेपछि नेकपा सकारात्मक संकेत देखाएको चर्चा चलेको छ ।
जीत–हार जे भए पनि सभामुखमा उम्मेदवारी नदिएर काँग्रेसले गल्ती गरेको भन्दै काँग्रेसका नेताहरुले नै विरोध जनाएका थिए, नयाँ विमर्शमा उल्लेख छ ।
उता पम्फा भुसाललाई सभामुख बनाउन गरेको प्रस्ताव कार्यान्वयन नभएपछि गृहमन्त्री रामबहादुर थापा एमसीसीको विरोधमा लागेको बताइएको छ ।
