एजेन्सी, २३ माघ । सन् १९४० को दशकका सुप्रसिद्ध कलाकार कर्क डग्लसको १०३ वर्षको उमेरमा बुधबार नि’धन भएको छ ।
उनका छोरा एवं ओस्कार विजयी कलाकार तथा फिल्म निर्माता माइकल डग्लसले आफ्ना पिताको नि’धन बेभर्ले हिल्समा आफ्नै निवासमा भएको सामाजिक संजालमार्फत पुष्टी गरेका हुन् ।
आफ्नो समयमा निकै ख्याती कमाएका “स्पार्टाकस” र “पाथ्स् अफ ग्लोरी” जस्ता चलचित्रमा उनले मुख्य भूमिका निर्वाह गरेका थिए ।
सन् १९४० को दशकको अन्त्यतिर उनले अभिनय गरेका चलचित्रहरु औधि रुचाइएका थिए । उनी अभिनयका अलावा फिल्म निर्माण र निर्देशन पनि गरेका थिए । करिब छ दशकको कलायात्रामा बिताएका उनले करिब १०० वटा चलचित्र निर्माण गरेका थिए ।
