एजेन्सी, २९ माघ । महामारीका रुपमा फैलिरहेको कोरोना भाइरसको बारेमा प्र्यांक गर्ने एक व्यक्ति पक्राउ परेका छन् । यो घटना नेपालमा भने होइन, यो रुसमा भएको घटना हो ।
रमाइलोका लागि मेट्रो रेलमा भाइरस सङ्क्रमणको नक्कल गरी बेहोस भएको नाटक गर्ने करोमतुल्लो जाबोरोभ नामका ती प्राङ्कस्टारलाई रसियन अधिकारीले प क्राउ गरेका हुन् ।
सामाजिक सञ्जालमा राखिएको फुटेजमा अनुहारमा मास्क लगाएका एक युवक मस्को मेट्रोमा अचानक ढल्छन् र उसका साथीहरुले उसलाई कोरोना भाइरस लागेको भन्दै कराएको देखिन्छ ।
रेलमा रहेका यात्रुहरु भयवित हुन्छन् र आत्तिएर ती युवकबाट टाढा भाग्छन् । जव उनले प्र्यांक गरेको थाहा हुन्छ तव उनलाई बदमासी गरेको आरोपमा प्रहरीले पक्राउ गर्छ ।
जाबोरोभ फेव्रुअरी ८ मा प्रकाउ परेको रसियन स्टेट न्युज एजेन्सीलाई उदृत गर्दै सिएनएनले जनाएको छ । रसियामा यस अपराधमा पाँच वर्ष जेल सजायको व्यवस्था छ ।
रुसी गृह मन्त्रालयका अनुसार प्रहरीले यस घटनामा संलग्न अन्य दुई जनाको पहिचान गरी मस्को छाडेर नजान आदेश दिएको छ ।
मस्कोको चेर्योमुस्किनस्की अदालतले ताजिक्स्थानी नागरिक जाबोरोभलाई ट्रायलमा राख्नुअघि मार्च ८ सम्म हि रासतमा राख्न आदेश दिएको छ ।
आरोपीका वकिल एलेक्सी पोपोभले आफ्नो क्लाइन्टले भाइरसबारे जनचेतना फैलाउन प्राङ्क गरेको बताउँदै प क्राउ गर्ने अदालतको निर्णयमा अपिल गर्ने बताएका छन् ।
उनका वकिलले भनेका छन्, ‘उनीहरु अधिकारीलाई ध्यानकर्षण गराउन चाहन्छन्, अपराध गरेको कुनै प्रमाण छैन ।’
