फागुन ९, काठमाडौं । हिन्दुधर्मावलम्बीहरुको आराध्यदेव भगवान पशुपतिनाथको मन्दिरमा महाशिवरात्रीको अवसरमा भक्तजनहरुको घुईंचो लागेको छ । गएराती देखिनै नेपाल भारत र भुटानदेखी आएका भक्तजनहरुले पशुपति क्षेत्र भरिभराउ छ ।
यसपटक पाशुपत क्षेत्रलाई फुलहरुले विशेष सोभायमान बनाइएको छ । पशुपति परिसर र बाहिर समेत आकर्षक फुलहरुबाट स्वागतद्वार तयार गरिएको छ । महाशिवरात्रीका अवसरमा भारतबाट बाबाहरु पशुपतिमा डेरा जमाएर बसेका छन् । बनकाली, भष्मेश्वर क्षेत्रमा बसेका नागाबाबाहरुले गाँजा सेवन मात्र गरेका छैनन् प्रहरीकै अगाडी खुलेआम गाँजा विक्रिवितरण गरिरहेका छन् ।
सरकारले गाँजा विक्रिवितरण र सेवनमा रोक लगाउँदा भारतका विभिन्न क्षेत्रबाट आउने नागाबाबाहरुको संख्यामा कमी आएपनि थोरै आएकाहरुले निर्वाध रुपमा गाँजा विक्रि गरिरहेका छन् ।
पशुपतिनाथको दर्शन गर्न आएका भक्तजनलाई नियन्त्रण गर्न सुरक्षाकर्मी र स्वयंसेवकलाई हम्मेहम्मे परेको छ भने, गौशाला, तिलगंगा तथा मित्रपार्कमा ट्राफिक प्रहरीलाई सवारी आवागमन सुचारु गर्न हम्मेहम्मे परेको छ ।
हेर्नुहोस तस्विरहरु;
