बिहिबार, फाल्गुन १५, २०७६
बर्दिबास । नेपाल कम्युनिष्ट पार्टी (माले) महासचिव सिपी मैनालीको सवार कार दुर्घटनामा परेको छ । महोत्तरीको बर्दिबासस्थित रातुको पुलमा उनी चढेको बा ४ च २१२० नम्बरको कार र विपरीत दिशाबाट आइरहेको ना ४ ख ७६६८ नम्बरको पिकअफ भ्यानसँग ठोक्किएको प्रहरीले जानकारी दिइएको छ ।
महासचिव मैनाली झापाबाट छोरा, बुहारी, नाति र चालकसहित काठमाडौंतर्फ आउँदै गरेको प्रहरीले जानकारी दिएको छ ।
दुर्घटनामा परी मैनालीका छोरा ३० वर्षीय सरोज मैनाली, बुहारी पूजा ढुङ्गाना मैनाली, पाँच वर्षीय नाति एन मैनाली र चालक रामप्रसाद पौडेल घाइते भएका छन् ।
दुर्घटनामा महासचिव मैनाली र बुहारी पूजा गम्भीर घाईते भएको ईलाका प्रहरी कार्यालय बर्दिवासका डिएसपी राजन चापागाईले जानकारी दिए ।
मैनालीको टाउको र खुट्टामा चोट लागेको छ ।
दुर्घटनामा परेर घाइते भएका मैनालीको बर्दिबासस्थित जनसेवा अस्पतालमा उपचार भइरहेको इलाका प्रहरी कार्यालय बर्दिबासका प्रमुख डीएसपी राजकुमार चापागाईले जानकारी दिए ।
