फागुन १५, काठमाडौँ । बिहिबार महोत्तरीको बर्दिबासमा दुर्घटनामा परि गम्भिर घाइते भएका नेकपा महासचिव सीपी मैनालीलाई थप उपचारका लागि काठमाडौँ ल्याउने तयारी भईरहेको छ ।
छोरा, बुहारी, नाति र चालकसहित झापाबाट काठमाडौँ आउँदै गर्दा दुर्घटनामा परि गम्भिर घाइते भएका मैनालीलाई हेलिकोप्टर मार्फत काठमाडौँ ल्याउने तयारी भईरहेको महोत्तरीका प्रमुख जिल्ला अधिकारी सूर्यबहादुर खत्रीले जानकारी दिए ।
बिहीबार बर्दिबासस्थित रातुको पुलमा उनी सवार बा ४ च २१२० नम्बरको कारलाई विपरीत दिशाबाट आइरहेको ना ४ ख ७६६८ नम्बरको पिकअफ भ्यानले ठक्कर दिँदा उक्ट दुर्घटना हुन पुगेको थियो । यस ददुर्घटनामा परी मैनालीका छोरा ३० बर्षीय सरोज मैनाली, बुहारी पूजा ढुङ्गाना मैनाली, ५ बर्षीय नाति एन मैनाली र चालक रामप्रसाद पौडेल समेत घाइते भएका छन् ।
हाल मैनाली लगायत अन्य घाइतेको उपचार बर्दिवासस्थित बर्दिवास जनसेवा हस्पिटलमा भईरहेको प्रहरीले जानकारी दिए । मैनालीको खुट्टा फ्याक्टर हुनुका साथै शरीरका विभिन्न स्थानमा चोट लागेको जिल्ला प्रहरी कार्यालय महोत्तरीका डीएसपी माधव बुढाथोकीले जानकारी दिएका छन् ।
