एजेन्सी, १५ फागुन । धेरै दूध दिएर विश्व रेकर्ड बनाउने वाली सरस्वती भैँसी ८१ लखमा बिक्री भएको छ । हरियाणको हिसार जिल्लका किसान सुखबीर सिंह ढान्डाको घरमा रहेको उक्त भैँसीले ३३.१३१ किलोग्राम दूध दिएर पाकिस्तानी भैँसीले बनाएको विश्व रेकर्ड तोडेको थियो ।
सरस्वतीलाई लुधियानाका पवित्र सिंहले किनेका थिए । सुखवीरलाई सरस्वती चोरी हुने डर भएकोले बेचेको भारतीय सञ्चारमाध्यामले बताएका छन् ।
१ करोडमा पनि बेच्ने मन नभएको बताउँदै उनले चोरीकै डरले गर्दा बेच्नु परेको बताएका हुन् । विश्व रेकर्ड बनाउँदा सरस्वतीलाई ३ लाख २० हजार दिएर सम्मानित गरिएको थियो ।
यो भन्दा अगाडि पाकिस्तानी भैँसीले ३२.०५० किलोग्राम दूध दिएर विश्वरेकर्ड बनाएको थियो । भैँसी बेच्नु अगाडि बिभिन्न प्रान्तका किसानरुलाई उपस्थित गराइएको थियो । सम्मेलनमा ७०० जना किसान उपस्थित भएको भारतीय संचारमाध्यमले जनाएको छ ।
