फागुन १७, पथरी ।
मोरङको पथरी उर्लावारी सडक खण्ड पूर्व पश्चिम राजमार्गको हरियाली सामुदायिक वन नजिकै भएको दुर्घटनामा एक जनाको घटना स्थलमै मृत्यु भएको छ ।
पश्चि बाट पुर्व जादै गरेको प्रदेश न १–०२–००१–ख ८०९१ नम्वरको ट्रकले सोही दिशा बाट जादै गरेको ना ८ ख ६७ नम्वरको ट्रकलाई पछाडी बाट ठक्कर दिएको थियो ।
ठक्कर दिने ट्रकका चालक जिल्ला चितवन भरतपुर महानगरपालिका वडा नम्वर ११ वस्ने वर्ष २८ को अजय अधिकारीको घटना स्थलमै मृत्यु भएको हो भने ट्रकका सहचालक भरतपुर महानगरपालिका वडा न ११ वर्ष ३० अंकित जियन गम्भिर घाईते भएका छन् ।
घाईतेको विर्तामोड स्थित विएनसी अस्पतालमा उपचार भईरहेको टा«फिक प्रहरी कार्यालय पथरीले जनाएको छ । घाईते सहचालकको खुट्टामा गम्भिर चोट लागेको टा«फिक प्रहरीले जनाएको छ ।
यता ठक्कर खाने ट्रक र चालक सर्लाही जिल्ला हरिवन नगरपालिका वडा ७ वस्ने वर्ष ३४ का हिरोदनराग बन्जन लाई ईलाका प्रहरी कार्यालय पथरीले नियन्त्रणमा लिएको छ ।
दुर्घटना विहान करिव ६ वजेको समयमा भएको र दुर्घटना अत्याधिक तिव्र गतिका कारण हुन भएको हुन सक्ने प्रहरीले जनाएको छ ।
