फागुन १८, काठमाडौं । सत्तारुढ दल नेपाल कम्युनिस्ट पार्टी (नेकपा)का अध्यक्ष पुष्पकमल दाहाल प्रचण्डमाथि जुत्ता प्रहार गर्ने युवा जुम्ला निवासी रतन तिरुवा भएको खुलेको छ ।
रतनले राष्ट्रियसभा गृहमा प्रचण्डले गरेको भाषण चित्त नबुझेपछि जुत्ता प्रहार गरेको बताएका छन् । माओवादी जनयुद्ध कालमा आफ्ना बुबा गुमाएका तिरुवाले प्रचण्डले वर्ग संघर्षको कुरा गरेपछि चित्त नबवुझेर जुत्ता प्रहार गरेका हुन् । उनको बुबा १० वर्ष माओवादी जनयुद्धका क्रममा राज्यपक्षबाट मारिएको प्रहरीले जनाएको छ।
यद्यपी रतनले प्रहार गरेको जुत्ताले भने प्रचण्डलाई लागेन । तत्कालै त्यहाँ उपस्थित सुरक्षाकर्मीले उनलाई नियन्त्रणमा लिएका थिए ।
