काठमाडौँ । प्रधानमन्त्री केपी शर्मा ओलीको स्वास्थ्यमा सुधार आएको छ ।
मिर्गौला प्रत्यारोपणमा सम्लग्न त्रिवि शिक्षण अस्पतालका डा. प्रेमराज ज्ञावालीका अनुसार सोमबार सम्ममा प्रधानमन्त्री केपी शर्मा ओलीलाई अस्पतालबाट डिस्चार्ज गर्न सकिने छ ।
ओलीमा प्रत्यारोपण गरिएको मिर्गौलाले राम्रो काम गरिरहेको र यहि अनुसार सुधार भएमा सोमबार भन्दा बढी अस्पताल राख्नुनपर्ने बताए ।
प्रधामन्त्रीसंग दोहोरो कुराकानी भइरहेको तर अनयलाई भेटघाट रोकीएको कुराकानीमा उनले बताए ।
स्वास्थ्यमा इन्फेक्सनको खतरा रहेकाले चिकित्सक र प्रधानमन्त्री पत्नी राधिका शाक्य बाहेक अरु कसैलाई पनि भेट गर्न रोकीएको उनको भनाई थियो ।
प्रधानमन्त्रीको दोस्रोपटक मिर्गौला प्रत्यारोपण बुधबार भएको थियो । होसमा आएपछि लगत्तै प्रधामन्त्री ओलीले नदुखेको बताएका थिए ।
प्रत्यारोपित मिर्गौलाले सामान्य रूपमा काम गर्न थालेको र प्रधानमन्त्रीलाई बिहीबारबाट तरल खानेकुरा दिन सुरु गरिएको ज्ञावालीले बताए ।
